Ar fáil anois (20 Samhain).
“Má roghnaigh an file ‘Baois’ a thabhairt ar an gcéad roinn sin den díolaim, ná bíodh aon amhras orainne, na léitheoirí, faoi na dánta atá roghnaithe aige agus tuilleadh nach iad sna himleabhair eile dá chuid, nach bhfuil ráiteas domhain ar an ngrá ina orlaí tríothu, ráiteas a sháraíonn saothar leanúnach saoil aon fhile eile Gaeilge i mo thuairimse, ar a íogaireacht, ar a dhrithle agus ar a ealaín.”
“Dá léannta iad na dánta seo ní cluiche intleachtúil riamh na macallaí, ná ní tagairtí loma iad do thraidisiúin na Gaeilge, na Críostaíochta agus na gClasaicí. Luíonn siad go héadrom sna dánta; is siombailí iad a bhfuil beatha úr séidte iontu agus iad tarraingthe siar ón dearmad.”
- Máire Ní Annracháin
Réamhrá le Máire Ní Annracháin agus ealaín le hAoife Nic Fhearghusa.
Now available (20 November).
A collection of new and previously published work by Pádraig Mac Fhearghusa, accompanied by an introductory essay by Máire Ní Annracháin and artwork by Aoife Nic Fhearghusa.
Tá saothrú suaithinseach déanta ag Pádraig Mac Fhearghusa ar an bhfilíocht ó d’fhoilsigh an Clóchomhar Tta a chéad chnuasach, Faoi Léigear, i 1980. Bhain Nótaí Treallchogaíochta ó ‘Suburbia’ an duais sa chomórtas oscailte filíochta, Béarla / Gaeilge, ag Seachtain na Scríbhneoirí, Lios Tuathail, 1982. Ghnóthaigh Mearcair príomhdhuais filíochta Oireachtas 1996; bhain dánta as An Dara Bás príomhdhuais na bliana 2001, agus ghnóthaigh Oilithreacht na gCríoch Déanach príomhdhuais filíochta Oireachtas na Gaeilge, 2020.
Is Ollamh le Nua-Ghaeilge sa Choláiste Ollscoile, Baile Átha Cliath, í Máire Ní Annracháin ó 2009, agus roimhe sin chaith sí blianta ag léachtóireacht in Ollscoil Mhá Nuad. Tá spéis aici sa teoiric liteartha agus i nualitríocht Ghaeilge na hÉireann agus na hAlban araon. Ar fhilíocht Shomhairle MhicGill-Eain a bunaíodh a tráchtas dochtúireachta, a foilsíodh faoin teideal Aisling agus Tóir: an Slánú i bhfilíocht Shomhairle MhicGill-Eain (An Sagart, 1992). Tá os cionn leathchéad alt acadúil scríofa aici agus roinnt imleabhar curtha in eagar aici féin nó i gcomhar le comheagarthóirí. Baineann na hailt is deireanaí léi le leanúnachas an traidisiúin liteartha agus le teanga fhíortha fhilíocht na Gaeilge. Tá comhaltachtaí taighde gnóthaithe aici in Éirinn, in Albain agus i Sasana a thacaigh léi in a cuid taighde, agus tá tréimhsí taighde caite aici i bPáras, i nDún Éideann, ar an Oileán Sgitheanach agus i Londain. Chaith sí roinnt blianta ina cathaoirleach ar Glór na nGael, ina ball de choiste stiúrtha Shabhal Mòr Ostaig in Albain agus de Choimisiún na Logainmneacha. Tá beirt pháistí tógtha aici féin agus ag a fear céile.
Is Muimhneach í Aoife Nic Fhearghusa atá ag cur fúithi sa Ghaillimh. Tá cúlra aici sna healaíona agus sna meáin. Dúil riamh aici in éagsúlacht fhísiúil na beatha. Spreagann an dúlra í ach go háirithe. “Is gníomh grinnbhreathnaithe é a bheith i mbun líníochta,” a deir sí. Is breá léi an tuiscint bheo ar an nádúr, agus uaidh sin ar an saol, a éiríonn dá thoradh. @AoifeLiofa
Bríd Ní Mhóráin
€12.00
Celia de Fréine, Simon Robinson
€13.00
Seán Tadhg Ó Gairbhí, Tristan Rosenstock, Mark Wickham
€4.00
S.E. Ó Cearbhaill
€6.00
