Leabhar na Seachtaine

Pónairí ar Thósta: dialann mic léinn ollscoile

Mícheál Ó Ruairc

€7.00

San úrscéal seo cuirimid aithne ar Gheaspar Mac an tSagairt, mac léinn ollscoile, atá ag freastal ar Ollscoil an tSaoil. Is iad an Ghaeilge agus an Béarla na hábhair atá á ndéanamh aige. Tá dialann phearsanta á coinneáil ag Geaspar ina ríomhann sé cúrsaí anróiteacha a shaoil phríobháidigh dúinn. Leis an méid atá ag tarlú ina shaol pearsanta agus leis na fadhbanna go léir atá le sárú aige, chomh maith leis an síorghanntanas airgid, bheadh an léitheoir go láidir den tuairim agus an leabhar seo á léamh gurbh í an cúrsa ollscoile an chloch is lú ar phaidrín Gheaspair go minic.

Cuireann LeabhairCOMHAR rogha den scoth de scríbhneoirí agus ábhair ar fáil. Foilsímid ficsean do dhaoine fásta, leabhair stairiúla agus faisnéise, cnuasaigh filíochta, leabhair do pháistí, saothair acadúla, ábhar d'fhoghlaimeoirí fásta agus leabhair in iliomad seánraí eile.

Féach catalóg

Leabhair is déanaí

I gCochall mo Chroí

Bríd Ní Mhóráin

€12.00

Níl aon amhras ach gur teist é téama an chnuasaigh seo, téama an cheana, ar an luí aigne is mó atá ag Bríd Ní Mhóráin. Is iomaí saghas éagsúil ceana a fheictear sna dánta seo – cion réigiúin, don dúiche, don dúlra, an ghean lena maíonn sí tábhacht na seandaoine. Tá flaithiúlacht agus tuiscint le braith sa chaoi go ndéanann sí ionramháil ar an réimse leathan ábhar a bhíonn faoi chaibidil aici; is fíorannamh go bhfeictear cáineadh ina saothar. San am céanna, ní dánta rómhothalacha iad seo; léirítear leibhéal intleachtúil iontu, agus tuigtear don léitheoir go bhfuil an file ag smaoineamh a bealach tríd na dánta. File leathanaigeanta í Ní Mhóráin a ghlacann le spioradáltacht ó thraidisiúin chreidimh éagsúla agus ó réimsí éagsúla den saol – spioradáltacht Chaitliceach, Bhúdach, sa ghrá máthartha, sa ghrá rómánsúil, agus sa nádúr – agus é seo uile mar bhonn leis an gcomhbhá eagnaí neamhmhaothnach atá le sonrú ina cuid filíochta.
Leathbhádóirí

Marie Whelton

€10.00

Tar éis dó tréimhse a chaitheamh ar imirce, déanann Naoise cinneadh tapa filleadh, mar dhuine fásta, ar a shráidbhaile dúchais cois farraige. Tá sé de rún aige an chomaoin a chuir a sheanmháthair air agus é ina bhuachaill óg a chúiteamh. Diaidh ar ndiaidh, foghlaimíonn sé nach é an comórtas rámhaíochta is tábhachtaí di ach gurb é mian a croí a garmhac a fheiceáil sona. Is scéal é seo faoin tslí a gcabhraíonn an dara seans le daoine an rud atá i ndán dóibh a bhaint amach, agus faoin tslí a dtéann an dá ghlúin i ngleic le dúshláin na seanaoise agus na cailliúna.
Cúirt an Mheán Oíche

Celia De Fréine, Fidelma Ní Ghallchobhair

€12.00

Rinne Celia de Fréine cóiriú drámata agus aistriúchán Béarla ar dhán Merriman in 1982 agus léirigh an Dublin Shakespeare Society é in 1982 agus arís in 2007. Ar iarratas ó Aisteoirí Bulfin in 2014, d’fhill sí ar bhuntéacs Merriman agus leag sí amach é de réir a cóirithe féin ó 1982. Chuir sí uimhreacha na línte isteach mar áis don léitheoir, agus rinne cóirithe beaga anseo is ansiúd.
Faye

Meadhbh Ní Eadhra

€8.00

Is cailín óg dhá bhliain déag d’aois í Faye, a bhfuil cónaí uirthi faoi chúram an stáit. Bíonn tromluithe aici go minic, ach cén fáth? Cé go mbíonn sí i dtrioblóid go minic sa bhaile agus ar scoil, déanann sí gaiscí móra ar an bpáirc peile. Is ann a chasann sí le Liam; uaidh sin amach, athraíonn gach rud. Fásann Faye aníos sa scéal seo agus í ag iarraidh a bealach féin a dhéanamh sa saol.