spéir ina tost in memoriam Sinéad O’Connor
Ceaití Ní Bheildiúin
níl uaim nach bhfuil agam
corraíonn comhairle an éinín im chuimhne
sióg d’ór thú trí shraitheanna mo mheabhrach
is leagann tú cosán solais romham
a siúlaim air cosnocht go réidh
thar an aigéan is ar aghaidh trasna fásaigh
trí shráidbhailte tréigthe ag éirí ar sciathán arís
os cionn na reiligí na dtuamaí an bháis
an spéir ina tost
gach dath ag iompú go gorm