Tírdhreacha
- Údar
- Colm Breathnach
- Praghas
- €12.00
- Sraith: Téad na Filíochta
- ISBN: 9780992731359
- Bliain foilsithe: 2015
-
Scaip an leabhar seo
-
Sa leabhar seo, tá dánta nua agus rogha dánta as seacht gcinn de chnuasaigh, agus iad go léir tugtha le céile faoin dtéama "tírdhreacha". Sna dánta nua, téann idir sheanchas agus logainmneacha i gcion ar an tslí ina bhféachann an file ar an ndúthaigh ina dtarlaíonn dó a bheith. Tagann formhór na ndánta nua seo as tréimhsí taistil sa tSín agus sa tSlóivéin mar scríbhneoir cónaithe agus as tréimhsí saoire san Iodáil, sa Ghréig agus i gContae Mhaigh Eo. Sa rogha dánta, díríodh ar dhánta gur ghné thábhachtach díobh íomháineachas a eascraíonn go díreach as suíomh an dáin féin.
In aice le Carraig Ruacháin, i gCo Chorcaí, a rugadh Colm. Bhain sé céim MA sa Nua-Ghaeilge amach faoin Ollamh Seán Ó Tuama i gColáiste na hOllscoile, Corcaigh. D’oibrigh sé mar théarmeolaí agus rúnaí leis an gCoiste Téarmaíochta agus ina dhiaidh sin mar aistritheoir i Rannóg an Aistriúcháin. Bhí sé ina Phríomh-Aistritheoir Cúnta sa Rannóg nuair a ghlac sé le scor luath chun dul i mbun na scríbhneoireachta ar bhonn lánaimseartha. Bhuaigh Colm an phríomhdhuais filíochta i gcomórtais liteartha an Oireachtais ceithre huaire. Sa bhliain 1999, bhronn An Foras Cultúrtha Gael-Mheiriceánach ‘Duais an Bhuitléaraigh’ air. I gcomhpháirt leis an Dr Andrea Nic Thaidhg, dhein sé aistriúchán ar an úrscéal Katz und Maus le Günter Grass. Foilsíodh a chéad úrscéal, an saothar meitificsin Con Trick "An Bhalla Bháin", in 2009. D’fheidhmigh sé mar eagarthóir cúnta ar dhá eagrán de Innti i dteannta Michael Davitt agus ba é an chéad eagarthóir Gaeilge é ar Scoth na hÉigse/Best of Irish Poetry (Southword Editions). Foilsíodh Tírdhreacha, cnuasach filíochta leis in 2015 (LeabhairCOMHAR). Tá dánta le Colm aistrithe go hocht gcinn de theangacha lena n-áirítear éagrán Rómáinise den chnuasach An Fear Marbh.
S.E. Ó Cearbhaill
€6.00
Ciarán Ó Coigligh
€12.00
Bríd Ní Mhóráin
€12.00
Maolmhaodhóg Ó Ruairc
€10.00
