Earrach
Gréagóir Ó Dúill
Liathghlas, neonghlas an earraigh ag cúlú formhothaithe fán dúlra uilig,
Diaidh ar ndiaidh i dtobainne ionas gurb iontas gach uair a chímid
Bachlóg le géag, ceo úr ar chrainn, fás an fhéir féin.
Mar a dhéantar cailín de ghirseach, an áilleacht sin
A thagann as ucht na torthúlachta
A raideann folt siar den aghaidh, amharc díreach sa dá shúil.
Leánn airgead beo an tsamhraidh, ritheann
Fud chuartha an talaimh, éalaíonn le sleasa;
Suíonn an geimhreadh ar a ghogaide i gcúl cheilte, ag fanacht.