An Muince Dreoilíní

Is é an dán is fearr liom de chuid Michael Hartnett ná ‘An Muince Dreoilíní’ a scríobh sé do Mhícheál Ó Ciarmhaic. Díríonn an dán ar bhua agus ar cheird na filíochta. Is ceird í a ‘éilíonn ómós’ dar leis an fhile ach a bhfuil céasadh ag baint léi. Cuireann Hartnett an céasadh aigne in iúl le híomhá thar a fisiciúil de na dreoilíní ag tuirlingt ar a ucht agus dá ghortú lena n-ingne: ‘is d’fhág a n-ingne forba orm/nár leigheasadh fós’. Tá an-chumhacht ag baint leis an íomhá de na forba a léiríonn an phian shíceolaíoch a d’fhulaing an file ó aois an-óg. Dar ndóigh, ba chomhartha a bhí sna dreoilíní a thuirling air go raibh sé le bheith ina fhile de réir an bhéaloidis mar a mhínigh a sheanmháthair dó nuair a tharla an eachtra seo dó. Tháinig an tuar faoin tairngreacht leoga agus file eiseamláireach ab ea é.