Fá mo dhéin
Caitlín Nic ÍomhairTáim teanntaithe
Teanntaithe idir tú agus teorann ár leapa
Ag breathnú na mbraonta brothaill
a shileann síos pána gloine do dhroma ghil
Go fiar
Gach ribe ina cholgsheasamh
Táim ag bárcadh allais
Ó log na n-ioscaidí
Mar a luigh do phóg
Is a stóirín táimse sách
Is a stóirín táimse súgach
Idir meirbhe is suaimhneas
Ach seo chugam faoi mo dhéin thú
Cuachta idir dhá leis lúbach
Caitlín Nic Íomhair