Clú is Ainm

I dtosach samhraidh aithním é –
ar a dtugaimse Eoin Baiste na nGael –
rugadh mise cothrom an lae
ar teilgeadh an fear sin as an saol.

Séamas Ó Conghaile a ainm siúd –
nár lige Dia a chuimhne i léig!
Ba mhaith, rímhaith é a bhású –
ba rómhór dochar a shoiscéil.

Cér dhó an dochar? Ceist bhaoth í sin!
Tá an freagra i bhfolach sa Scéim Mhóir.
Meabhraigh coraí ró-crua an tsaoil seo!
Dochar go sochar, is é an chóir.

In Ospidéal Uí Chonghaile –
foras, foireann, fuinneamh, foghlaim, gairm;
dealbhán an fhir chóir i gclós beag
in ómós dó. Maireann clú is ainm.

Art Ó Maolfabhail

File é Art Ó Maolfabhail