Cuisle an Chósta

Cuisle an Chósta

Údar
Catherine Foley
Praghas
€12.00
  • Sraith: Foghlaimeoir Fásta
  • Aoisghrúpa: Daoine fásta / foghlaimeoirí
  • ISBN: 978-1-9162403-1-5
  • Líon leathanach: 150
  • Bliain foilsithe: 2020
  • Scaip an leabhar seo

Maidir leis an leabhar

Sa bhailiúchán soléite seo de cholúin raidió agus nuachtán, tugtar cuntas suimiúil ar shaol laethúil phobal cheantar na Rinne, agus léargas ar ghnéithe sainiúla a bhaineann le cultúr agus oidhreacht na háite. Nasctar na caibidlí le míonna na bliana sa gcaoi is go dtugtar léargas ar eachtraí éagsúla thar bhliain iomlán sna Déise. Saibhríonn na léaráidí an spléachadh seo ar shaol comhaimseartha phobal Gaeltachta agus an daonnacht céanna atá le feiceáil sna haistí le sonrú iontu. Bhuaigh leagan den saothar seo an chéad duais sa rannóg ábhar léitheoireachta don fhoghlaimeoir fásta i gComórtais Liteartha an Oireachtais, 2016.

About the book

A collection of easy-to-read articles from print and radio, providing an insight into daily life in Ring, Co Waterford and into the particular culture and heritage of the area. Enhanced by images of local life, the chapters are split into months in order to present a full years events in the Déise.This is the first non-fiction title in the popular Foghlaimeoir Fásta (adult learner) series.

Údar

Catherine Foley

Catherine Foley

Is scríbhneoir cruthaitheach, craoltóir, scríbhneoir teilifíse agus iriseoir í Catherine. Chaith sí fiche bliain ag obair mar thuairisceoir le The Irish Times.

Bhuaigh sí an chéad duais sa chomórtas d’ábhar léitheoireachta don fhoghlaimeoir fásta ag Gradaim Liteartha an Oireachtais 2016 dá bailiúchán colún raidió agus nuachtán, Cuisle an Chósta. Tá trí nóibhille Gaeilge scríofa aici sa seánra seo cheana. Bhuaigh An Cailín Rua (2004) an chéad duais ag Gradaim Liteartha an Oireachtais 2003 agus bhuaigh Sorcha sa Ghailearaí an dara duais sa chomórtas sin i 2002. Tá an dá leabhar foilsithe ag COMHAR. D’fhoilsigh LeabhairCOMHAR an tríú nóibhille, Samhradh an Chéasta, i 2010.

Scríobh sí an script agus chuir sí an tsraith teilifíse, Pobal ag Guí, i láthair ar TG4 i 2013, inar dhein sí anailís ar thraidisiúin na paidreoireachta in Éirinn.

Is léachtóir páirtaimseartha san iriseoireacht le Roinn na Nua-Ghaeilge in Ollscoil Chorcaí í.

Tá scriptscríbhneoireacht agus láithreoireacht déanta aici, in éineacht len í a bheith páirteach mar chomhléiritheoir lena deirfiúr RoseAnn ar bhreis agus dosaen clár faisnéise do TG4 — ina measc siúd tá clár faoin scríbhneoir Molly Keane, faoin iriseoir Donal Foley, amhránaí Tom Clancy, an fuirseoir Val Doonican agus an teanór Frank Patterson.

Foilseoidh Coiscéim a céad bailiúchán filíochta i 2019, dár teideal Ag Marú Maicréal.

Bhuaigh a cuimhní cinn, a d’fhoilsigh Mercier Press Beyond the Breakwater: Memories of Home i 2018, an Waterford News & Star Green Room Award for Best Book of 2018

Tuilleadh eolais

Seans gur spéis leat na teidil eile seo…