Cur i gCéill

Cur i gCéill

Údar
Celia de Fréine
Praghas
€12.00
  • Sraith: An Léamh Liteartha
  • ISBN: 978-1-9998029-7-4
  • Líon leathanach: 220
  • Bliain foilsithe: 2019

  • Scaip an leabhar seo

Maidir leis an leabhar

Is síceolaí í Cass Ó Caoimh a bhogann go Conamara nuair a fhágtar ina baintreach í. Mar aon leis an bpostroinnt atá aici san Ionad Leighis áitiúil, glacann sí le post páirtaimseartha i gCeannáras na nGardaí mar shíceolaí fóiréinseach. Nuair a bháitear Niamh, cara a hiníne, creideann Cass gur dúnmharaíodh an ógbhean ainneoin an mhéid a cheapann an Bleachtaire Cigire, Tom Breasal, a hiarleannán. Le cúnamh ón iriseoir Gearóid, mac Tom, agus ó dhaoine a gcuireann sí aithne orthu, déanann sí bás Niamh a fhiosrú agus tugann scéal scáfar chun solais. San am atá díreach thart atá an coirscéinséir eachtrúil seo suite.

About the book

Cass Ó Caoimh is a psychiatrist who moves to Connemara as a widow. As well as the job-share she has in the Medical Centre, she accepts a part-time job in the Garda Headquarters as a forensic psychiatrist. When Niamh, a friend of her daughter's, drowns, Cass believes the young woman was murdered despite what the Detective Inspector (Tom Breasal, her former partner) believes. With help from the journalist Gearóid, Tom's son, and from people she gets to know, she investigates Niamh's death and brings a dreadful story to light. This crime thriller takes place in the recent past.

Údar

Celia de Fréine

Celia de Fréine

Scríobhann Celia de Fréine in iliomad seánraí i nGaeilge agus i mBéarla. I measc na ngradam atá buaite aici dá cuid filíochta tá Duais Patrick Kavanagh (1994) agus Gradam Litríochta Chló Iar-Chonnacht (2004). Deich gcnuasach atá i gcló aici go dtí seo. Tá go leor duaiseanna Oireachtais buaite ag a cuid drámaí mar aon le duaiseanna dá scripteanna scannán agus teilifíse sa tír seo agus i Meiriceá. Bhuaigh Ceannródaí, a beathaisnéis de Luíse Ghabhánach Ní Dhufaigh, Duais Leabhar Taighde na Bliana de chuid ACIS (2019) agus ainmníodh í ar an ngearrliosta do Dhuais Leabhar Gaeilge, An Post Irish Book Awards (2018) agus do Ghradam Uí Shuilleabháin (2019). Ainmníodh Cur i gCéill, an chéad choirscéinséir óna peann, ar ghearrliosta Dhuais Love Leabhar Gaeilge, An Post Irish Book Awards (2020). Ainmníodh An Dara Rogha, a húrscéal tuairimeach don aos óg, ar ghearrliosta Dhuais Love Leabhar Gaeilge, An Post Irish Book Awards (2022). In 2022 d’fhoilsigh LeabhairCOMHAR a rogha dánta mar aon le dánta nua sa saothar Aoi ag Bord na Teanga.

Tuilleadh eolais

Seans gur spéis leat na teidil eile seo…