Luíse Ghabhánach Ní Dhufaigh: Ceannródaí
- Údar
- Celia de Fréine
- Praghas
- €15.00
- Sraith: Saol agus Saothar
- ISBN: 978-1-9998029-1-2
- Líon leathanach: 400
- Bliain foilsithe: 2019
-
Scaip an leabhar seo
-
Tá clú ar Luíse Ghabhánach Ní Dhufaigh as an chéad Ghaelscoil ó laethanta na scoileanna scairte, Scoil Bhríde, a chomhbhunú in 1917, ach ba mhó fós an t-éacht é don bhean seo nárbh eol di an Ghaeilge a bheith ann le linn a hóige. Sa bheathaisnéis seo déanann Celia de Fréine an bhean iomráiteach, fhísiúil, mhisniúil seo a bheochan le daonnacht agus le dúthracht taighde. Cíortar na gnéithe éagsúla dá saol, óna cúlra teaghlaigh neamhghnách is a hóige sa bhFrainc, go dtí a haistriú go hÉireann i ndiaidh báis a hathar, an pháirt ghníomhach a ghlac sí in Éirí Amach na Cásca agus a cuid oibre ceannródaíche ar feadh a saoil ar son an oideachais lán-Ghaelaigh.
Is scríbhneoir ilghnéitheach í Celia de Fréine a scríobhann i nGaeilge agus i mBéarla. Tá an iliomad duaiseanna buaite aici dá cuid filíochta, scripteanna agus drámaí a bhíonn á stáitsiú go rialta. Ocht gcnuasach filíochta atá foilsithe aici go dtí seo, arb iad cuir amach seo dom : riddle me this (Arlen House, 2014), Blood Debts (Scotus Press, 2014) agus A lesson in Can’t (Scotus Press, 2014) na cinn is deireanaí uaithi. In 2017 d’fhoilsigh LeabhairCOMHAR a leagan drámata de Cúirt an Mheán Oíche le Brian Merriman. Is duine de chomhbhunaitheoirí Umbrella Theatre Company í, an compántas a léirigh Luíse, dráma bunaithe ar shaol Luíse Ghabhánach Ní Dhufaigh in 2016/2017. Is é Ceannródaí an chéad saothar próis óna peann.
Ailbhe Ní Ghearbhuigh, Siún Ní Dhuinn
€15.00
Liam Mac Amhlaigh
€40.00
Fionnuala Uí Fhlannagáin
€15.00
Fionnuala Uí Fhlannagáin
€15.00
