Tráthnóna Beannaithe
Luí na gréine ag leá
i spéartha órga an iarthair
Is lámha péarla
ag múnlú is ag dealbhú
arán baile
Ealaín na cistine tuaithe
Deasghnáth tráthnóna beannaithe
Ar chúlbhalla
faoi fhothain
ó chlúdach samhraidh
an teasa is balsamaí
Cláiríní agus méara
ag fuineadh is ag fí
i scáth-dhamhsa
go hamhrán eala míne na Sionainne
An lándúnadh deiridh
Séalaithe le crois.