Léirmheas

Is mar úrscéalaí is mó atá aithne ar Phroinsias Mac a’ Bhaird, agus é ag saothrú go gradamach sa ghort sin le tamall, ach seo chugainn an ceathrú leabhar filíochta dá chuid. Íomhá de thine atá ar an chlúdach, nó sin an rud is ‘falscaí’ ann, dar ndóigh – tine ar shléibhte nó ar an fhraoch. Ar bhealtaí, beidh fonn orainn an leabhar seo a léamh mar a bheadh falscaí ann nó tá ceol thíos fríd an leabhar, achan fhocal fite fuaite leis na cinn thart air. Tarraingíonn filíocht na teanga isteach ann tú agus iarrann sí ort í a leathcheol go mbaineann tú leathanach 70 agus an deireadh, amach. Tá an ghné sin ann, an taobh sin a chuirfeadh fonn ort an cnuasach seo a léamh le flosc. Tá an fhilíocht agus fuaimeanna fite fuaite lena chéile, focail a bhaineann le fuaimeanna dár stiúradh agus ag cur suaimhneas nó míshástacht an fhile os ár gcomhair.