Milliún nóiméad don daonlathas 

Is réigiún leochaileach é lár na hEorpa, áit a mbíonn an daonlathas féin faoi bhrú ó fhórsaí éagsúla. Tá cúiseanna stairiúla leis sin – níl sé chomh fada sin ó d’éalaigh an ceantar ó smacht an chumannachais agus níl an taithí ar an daonlathas chomh láidir ann agus atá sé i dtíortha eile. Tar éis an tsaoil, rinne an seanréimeas ollsmachtach, mar a bhí sé, cúram don saoránach agus bhí sé níos éasca saol simplí a bheith ag duine mura raibh sé nó sí ró-uaillmhianach. Éilíonn daonlathas dua i gcónaí – ní mór do dhuine a chearta a chosaint, a bheith páirteach sa saol poiblí chun cúrsaí a athrú, freagracht a bheith aige as a shaol féin.