Léirmheas - Éanna Corr

Is úrscéal corraitheach, cumhachtach agus cliste é Éanna Corr, an t-úrscéal is déanaí ó pheann an Lochlannaigh, atá tar éis roinnt gradam a ghnóthú ó céadfhoilsíodh anuraidh é. Níl amhras ar bith ann gur sáraistritheoir ár linne é an Lochlannach ach le foilsiú Éanna Corr seans gur féidir a áiteamh gur déagscríbhneoir ár linne é freisin. Úrscéalta ón imeall atá in úrscéalta an Lochlannaigh agus é ag iarraidh cead cainte a thabhairt don té atá thíos, mar atá le feiceáil in Ruball an éin (2005) agus Taibhsí an Locha (2009), ach is san úrscéal Éanna Corr a insíonn sé an scéal is tábhachtaí agus is tráthúla dá chuid go dtí seo.