Annála

Annála

Údar
Gréagóir Ó Dúill
Praghas
€12.00
  • Sraith: Filíocht
  • ISBN: 9780955721786
  • Bliain foilsithe: 2011

  • Scaip an leabhar seo

Maidir leis an leabhar

File a thugann blianta dá chleacht, cíorann sé nó sí gnéithe éagsúla den am i láthair: an racht caointe, an taom grá, an fhearg uaireanta, an anailís shóisialta, cúrsaí reatha féin uaireanta eile. In amanntaí, déanfaidh sé neamhshuim de na teorainneacha eatarthu sin, déanfaidh an ócáid a bhuanú.

Dánta a phléann leis an dara cineál sin, le cúrsaí poiblí, maireann a n-éifeacht féin acu tar éis ócáid a gcumtha ach iad a chruinniú mar léiriú leanúnach. Cuid de na dánta a scríobh an file suas le leathchéad bliain anuas atá bailithe anseo ar an ábhar sin, mar léargas nó insint leanúnach, mar fhianaise stairiúil, mar íomhá de roth mór an tsaoil, móide dánta nua den stíl agus den léargas céanna. Mar annála file.

About the book

Part of the 'Téad na Filíochta' series. A collection of poems written by the poet over the last 50 years, as an overview or continuous telling, as a historical record, as a reflection of the wheel of life, along with newly written poems in the same style.

Údar

Gréagóir Ó Dúill

Gréagóir Ó Dúill

I mBaile Átha Cliath a rugadh Gréagóir Ó Dúill agus is ansin agus i nGort an Choirce atá cónaí air. Tá idir scríbhneoireacht acadúil agus scríbhneoireacht chruthaitheach á gcleachtadh aige le fada — aistí sa stair liteartha, chultúrtha agus shóisialta, critic, beathaisnéis ar Samuel Ferguson, cnuasach gearrscéalta faoin teideal Mar Atá. Bhí sé ina eagarthóir liteartha ar Comhar ar feadh roinnt blianta, agus is comhalta é de bhord na hirise le tamall agus ba í Uachtarán na hÉireann, Máire Mhic Giolla Íosa, a sheol a dhíolaim d'fhilíocht an chéid, Fearann Pinn. Is í an fhilíocht is mó a chleachtann sé anois. Faoin am seo, tá deich mbunchnuasach Gaeilge aige, dhá dhíolaim mhóra, dhá rogha dánta, cnuasach aistriúchán ó Ghàidhlig na hAlban, dhá chnuasach bundánta Béarla agus cnuasach leaganacha Béarla ar a shaothar Gaeilge. Bhronn na Comhairlí Ealaíon, thuaidh agus theas, sparánachtaí air, bhuaigh sé príomhdhuais an Oireachtais ar chnuasach filíochta in 2010, duais Gaeilge Bhéal Átha na mBuillí, agus duais chritice an Oireachtais dhá uair. Coiscéim a fhoilsíonn an chuid is mó dá shaothar. Meastar gur file íogair macnamhach léannta é, a bhfuil aird faoi leith aige ar an dúlra; is minic an grá agus an foréigean mar mhórthéamaí aige agus spreagann a chuid taistil chun dáin go minic é.

Tuilleadh eolais

Seans gur spéis leat na teidil eile seo…