Oilithreacht
- Údar
- Ciarán Ó Coigligh
- Praghas
- €12.00
- Sraith: Téad na Filíochta
- ISBN: 978-0-9557217-1-7
- Bliain foilsithe: 2012
-
Scaip an leabhar seo
-
Leabhair sa tsraith Téad na Filíochta de chuid LeabhairCOMHAR atá in Oilithreacht. Is bailiúchán téamúil é ón bhfile aitheanta Ciarán Ó Coigligh. Tugtar le chéile anseo a chuid dánta cráifeacha maraon le haiste anailíse ón Ollamh Gearóid Denvir agus iarfhocal ó Shéamas de Barra.
"Ba é mo mhian déantúis liteartha a sholáthar a bheadh inchomórtais le saothar ealaíne Georges Rouault. Is mór é mo mheas ar an aidhm a bhí aige: íomhá de Chríost a chruthú a bheadh chomh cumhachtach sin go gcothódh sé an Creideamh sa té a bhreathnódh uirthi. Goilleann saoltacht as cuimse na linne orm agus is iarracht fhánach an bailiúchán seo leis an tsaoltacht chéanna a chur ar gcúl.” — Ciarán Ó Coigligh.
Oilithreacht is part of the 'Téad na Filíochta' series by LeabhairCOMHAR. A thematic collection by the poet Ciarán Ó Coigligh. His religious poems are collected here alongside an analytical essay by Professor Gearóid Denvir and an afterword by Séamas de Barra.
Ainmneacha pearsanta, logainmneacha, canúintí, gramadach, litríocht na Nua-Ghaeilge, an Odaisé, an Choiméide Dhiaga, an Bíobla Naofa, paidreacha dúchasacha i measc na réimsí saineolais aige. Dhá bhailiúchán filíochta déag foilsithe aige: Noda, Doineann agus Uair Bhreá, Broken English agus Dánta Eile, Cion, Cín Lae, Cúram File, Aiséirí, Zein na Gaeilge, Filíocht an Reatha, Oilithreacht, A Layman’s Liturgical Year and Other Poems, Silent Pictures Inner City Pictiúir Thostacha Lár na Cathrach. Trí úrscéal: Duibhlinn, Slán le Luimneach, Odaisé Ghael-Mheiriceánach/An Irish-American Dream. Bailiúchán amháin gearrscéalta: An Troigh ar an Tairne agus ceoldráma, Vailintín. I measc saothar acadúil tá: An Odaisé, An Choiméide Dhiaga, Raiftearaí: Amhráin agus Dánta, Filíocht Ghaeilge Phádraig Mhic Phiarais, An Fhilíocht Chomhaimseartha 1975–1985, Caitlín Maude: Dánta, Drámaíocht agus Prós, Seanchas Inis Meáin,Tomás Bán, Ag Réiteach le hAghaidh Faoistine, Léarscáil Inis Meáin, Dánta Eoin Pól II, An Tiomna Nua agus Leabhar na Salm. Ghnóthaigh a chéad úrscéal duais náisiúnta agus ghnóthaigh a chuid filíochta trí dhuais idirnáisiúnta. Bronnadh Sparánacht Litríochta de chuid na Comhairle Ealaíon air i 1993 agus Dámhachtain Taistil agus Oiliúna in 2010.
S.E. Ó Cearbhaill
€6.00
Celia de Fréine, Simon Robinson
€13.00
Ailbhe Ní Ghearbhuigh, Siún Ní Dhuinn
€15.00
Bríd Ní Mhóráin
€12.00
