Dónall Ó Móráin agus meanma fiontraíochta Ghael Linn

Dúirt an t-antraipeolaí clúiteach Margaret Mead tráth, ‘Never doubt that a small group of thoughtful committed, citizens, can change the world. Indeed, it is the only thing that ever has.’ ¹ Is léiriú iontach stair Gael Linn ar fhírinne an ráitis sin. Cé gur iomaí duine a bhí an-ghníomhach san eagraíocht, gan trácht ar na sluaite a rinne obair dheonach di sna seachtó bliain ó bunaíodh í, seasann triúr amach sna blianta tosaigh. Sin Dónall Ó Móráin, fáidh le neamhspleáchas intinne agus eolas faoi leith aige ar pholaitíocht agus ar an dlí, Riobard Mac Góráin, ceannródaí ildánach, fealsúnaí and smaointeoir, agus Séamus Mac Crosáin, nuálaí agus fiontraí gnó den scoth.