Seacht nDólás a Cine 

Ar ámhraraí an tsaoil do mhuintir na tíre seo, ní dhearna léibhéil bhorrtha na radaíochta an oiread sin dochair anseo. Is amhlaidh a chuaigh iarmhairtí na tubaiste go mór i bhfeidhm ar mhuintir an Oirthir, faraor – An Rúis, an Úcráin, agus an Bhealarúis go háirithe. Maíonn an socheolaí Ekatharina Zhukov go ndeachaigh iarmhairtí Chernobyl i bhfeidhm go mór ar an Bhealarúis go speisialta: ‘Belarus had a three times greater percentage of its territory contaminated (23.5% versus 7%) and a five times greater percentage of its population affected (35% versus 7%) than Ukraine. While Ukraine had five nuclear power plants, including the Chernobyl plant, Belarus had none.’ D’fhéadfaí an Bhealarúis a áireamh mar ‘zón íobartha’, nó ‘sacrifice zone’, mar a rinne Steve Lerner cur síos ar áiteanna áirithe sna Stáit Aontaithe Mheiriceá a fhulaingíonn iarsmaí tromchúiseacha mar gheall ar an truailliú ceimiciúil. Is ionann, go minic, na háiteanna seo agus na áiteanna ina gcónaíonn an dream is boichte sa tsochaí. Is iad áitritheoirí na zón íobartha is mó a fhulaingíonn iarmhairtí an truaillithe, cé nach iad is cúis leis an truailliú, de ghnáth.